ஹைக்கூ
ஹைக்கூ
உயிரை அடிப்பான் கொள்ளை
உடையின் நிறம் வெள்ளை
வெண்சுருட்டு ( சிகரெட் )
தேள் படம் போட்டும்
கவலையின்றி சுவைக்கின்றான்
வருங்கால் மன நோயாளி ! ( பான்பராக் )
குடி குடி கெடுக்கும்
படித்து விட்டு குடிக்கின்றான்
படித்தவன் ?
தெரிந்தே குடித்தனர்
புற்று நோய் வரும்
குளிர்பானம் !
அழுதாலும்
ஒளி தந்தது
மெழுகு !
வானிலிருந்து குதித்தும்
காயம் இல்லை
மழைத் துளி !
சுமை அல்ல பாதுகாப்பு
கூடு
நத்தை !
அவள் வரும் முன்னே
வந்தது இசை ஓசை
கொலுசு !
சிதைத்தப் போதும்
தந்தது வாசம்
சந்தனம் !
அன்று நல்லவர்களுக்கு மட்டும்
இன்று கெட்டவர்களுக்கு மட்டும்
அரசியல் !
ஹைக்கூ (சென்றியு )